Ağır yol qəzasında 40 nəfər öldü - FOTO

Nigeriyada Kaduna ştatında iki nəqliyyat vasitəsinin iştirakı ilə baş verən yol qəzasında 15-i uşaq olmaqla 40 nəfər ölüb.
Avtosfer.az xarici KİV-ə istinadən xəbər verir ki, bu barədə yerli hakimiyyət orqanları məlumat yayıb. 
Bildirilir ki, uşaqlar dini tədbirə gedərkən onların avtobusu həddən artıq yüklənib və sürücünün sürət həddini aşması səbəbindən sükan idarəetməsini itirərək yük maşını ilə toqquşub.
Qəzada 15 uşaq yerindəcə ölüb, qalan 48 nəfər isə müxtəlif dərəcəli bədən xəsarətləri alıb. Sonradan 10 nəfər aldığı xəsarətlərdən, daha bir neçə zərərçəkən isə xəstəxanada dünyasını dəyişib və ölənlərin sayı 40 nəfərə çatıb.

Namiq Musayev