Bakıda piyadanın vurulması ilə nəticələnən daha bir yol qəzası baş verib. 

Avtosfer.az-ın məlumatına görə, hadisə paytaxtın Binəqədi rayonunda qeydə alınıb. 

Belə ki, 1991-ci il təvəllüdlü İbrahimov Nicat İbrahim oğlu yolun piyadalar üçün qadağan olunmuş hissəsindən keçərkən avtomobil onu vurub. 

Yaralı xəstəxanaya çatdırılıb, ona sağ bud sümüyünün sınığı və kəllə-beyin travması diaqnozu qoyulub.

Faktla bağlı araşdırma aparılır.