Fatmayı-Mehdiabad yolunda dəhşətli qəza: Ölən var - FOTO - VİDEO - YENİLƏNİB

Abşeron rayonunda baş verən yol-nəqliyyat hadisəsi ilə bağlı araşdırma aparılır.

Avtosfer.az xəbər verir ki, bu barədə Oxu.Az-a Baş Dövlət Yol Polisi İdarəsindən məlumat verilib.

"Noyabrın 26-sı saat 12 radələrində Abşeron rayonunda, Fatmayı kəndinin ərazisində Bakı şəhər sakini, 2004-cü il təvəllüdlü Elcan Zair oğlu Ələsgərovun idarə etdiyi 90-YD-245 dövlət nömrə nişanlı "Chevrolet Cobalt" markalı avtomobil aşıb. Nəticədə sürücü hadisə yerində ölüb. Faktla bağlı araşdırma aparılır", - deyə məlumatda qeyd olunub.

***15:36

Bakı şəhəri, Abşeron rayonu, Mehdiabad-Fatmayı avtomobil yolunda baş vermiş avtoqəza zamanı bir nəfərin ölüm faktı qeydə alınıb.

Avtosfer.az xəbər verir ki, bu barədə Oxu.Az-a Tibbi Ərazi Bölmələrini İdarəetmə Birliyindən (TƏBİB) məlumat verilib.

"Noyabrın 26-sı saat 12:30-da Respublika Təcili və Təxirəsalınmaz Tibbi Yardım Mərkəzinə Mehdiabad-Fatmayı ərazisindən yol-nəqliyyat hadisəsinin baş verməsi səbəbi ilə çağırış daxil olub.

Çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən bir nəfərin (kişi) həkiməqədər ölüm faktı qeydə alınıb", - deyə məlumatda qeyd olunub.

Qəzada həlak olan Elcan adlı şəxs taksi fəaliyyəti ilə məşğul olub.

***14:36

Abşeron rayonu ərazisində yol-nəqliyyat hadisəsi baş verib.

Avtosfer.az xəbər verir ki, hadisə şahidlərinin Oxu.Az-a verdikləri məlumata görə, "Chevrolet Cobalt" avtomobili Mehdiabad-Fatmayı yolunda idarəetməni itirib.

Nəticədə nəqliyyat vasitəsi aşaraq yararsız hala düşüb.

İlkin məlumata görə, hadisə nəticəsində bir nəfər həyatını itirib.

Faktla bağlı aidiyyəti qurumlara sorğu verilib.

Sözügedən yol-nəqliyyat hadisəsinin görüntüsünü təqdim edirik: