"Lada" sərnişin avtobusu ilə toqquşdu: Biraylıq körpə və bir kişi...

Rusiyanın Voronej şəhərində ağır yol qəzasında iki nəfər ölüb.

Avtosfer.az yerli KİV-ə istinadən xəbər verir ki, Hadisə Novosibirskaya küçəsində, “Cənub qütbü” ticarət mərkəzinin yaxınlığında baş verib.

Məlum olub ki, “LADA Granta” markalı avtomobilli idarə edən 28 yaşlı qadın idarəetməni itirərək qarşıdan gələn zolağa çıxıb və 14 saylı avtobusla toqquşub.

Qəza nəticəsində minik avtomobilinin ön oturacağında olan kişi və biraylıq körpə uşaq dünyasını dəyişib. Sürücü və bir sərnişin xəstəxanaya yerləşdirilib.

Hazırda hüquq-mühafizə orqanlarının əməkdaşları hadisənin səbəblərini müəyyənləşdirir.