Misirdə ağır yol qəzası olub, ölənlər və yaralananlar var

Misirdə iki avtobusun toqquşması zamanı bir neçə nəfər həlak olub.

Avtosfer.az xəbər verir ki, bu barədə “Akhbar el-Yom” portalı bildirib.

Qeyd edilir ki, hadisə ölkənin mərkəzi hissəsində yerləşən Soxaq əyalətində qeydə alınıb. Əl-Koşex kəndində Kena şəhərindən paytaxt Qahirə istiqamətində hərəkət edən sərnişin avtobusu ilə Mersa-Matrux şəhərindən əl-Balabiş kəndinə gedən mikroavtobus toqquşub. Hadisə nəticəsində azı yeddi nəfər ölüb, daha on bir nəfər xəsarət alıb.

Hakimiyyət orqanları hadisənin araşdırılmasına başlayıb.