Qaradağda dəhşətli qəza: “KIA” arakəsməni yarıb keçdi - VİDEO

Bakıda ağır yol-nəqliyyat hadisəsi baş verib.

Avtosfer.az xəbər verir ki, hadisə Bakı-Qazax avtomobil yolunun 17-ci kilometrində, Qaradağ rayonunun Səngəçal qəsəbəsi ərazisində qeydə alınıb.

Sentyabrın 6-da səhər saat 05:30-da Bakı istiqamətində hərəkətdə olan Həsən Hilal oğlu Məmmədovun idarə etdiyi 77-UM-473 dövlət nömrə nişanlı "KIA Sorento" markalı avtomobilin sürücüsü sükan arxasında yuxulayıb.

Nəticədə avtomobil magistralın kənarındakı dəmir arakəsməyə çırpılıb. Zərbənin gücündən arakəsmə maşının ön hissəsindən daxil olaraq arxa hissəsindən çıxıb.

Hadisə zamanı sürücü müxtəlif xəsarətlər alıb, avtomobil isə ciddi zədələnib.

Faktla bağlı araşdırma aparılır.