Qayda pozan yük maşını qatarla toqquşub maneəyə çıxdı - VİDEO

Bakı-Sumqayıt yolunda yol-nəqliyyat hadisəsi baş verib.

Avtosfer.az-ın məlumatına görə, qəza avqustun 26-da saat 04:00 radələrində Hacı Zeynalabdin Tağıyev qəsəbəsində qeydə alınıb. Belə ki, hərəkətdə olan 77-HX-548 dövlət nömrə nişanlı “Mercedes Axor” markalı yük maşını qatarla toqquşub. Qəzaya səbəb yük maşını sürücüsünün manevr qaydalarını pozması olub. Nəticədə o, idarəetməni itirərək qatarın vaqonuna çırpılıb və beton maneəyə üzərinə çıxıb. Hadisə zamanı xəsarət alan olmasa da nəqliyyat vasitəsinə maddi ziyan dəyib.

Faktla bağlı araşdırma davam edir. 

Nərmin