Qubada iki avtomobil toqquşub, iki nəfər xəsarət alıb

Qubada iki nəfərin xəsarət alması ilə nəticələnən yol-nəqliyyat hadisəsi baş verib.

Fövqəladə Hallar Nazirliyindən bildirilib ki, Böhran Vəziyyətlərində İdarəetmə Mərkəzinə Quba rayonu ərazisində “Opel” və “LADA” markalı iki minik avtomobilinin toqquşması barədə məlumat daxil olub. 

Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri müxtəlif xəsarətlər alaraq sıxılı vəziyyətdə qalan hər iki sürücünü deformasiyaya uğrayan nəqliyyat vasitələrindən çıxararaq aidiyyəti üzrə təhvil veriblər.