Salyanda motosiklet traktorla toqquşub, yaralanan var - FOTO

Salyan rayonunda motosikletlə traktorun toqquşması nəticəsində bir nəfər xəsarət alıb.

“Report”un məlumatına görə, hadisə rayonun Dayıkənd kənd ərazisində qeydə alınıb. Belə ki, kənd sakini, 1983-cü il təvəllüdlü Rəhimov Məzahim Məcnun oğlunun idarə etdiyi motosiklet qarşıda gedən traktora çırpılıb.

Qəza nəticəsində motosikletin sürücüsü və onun yanında oturan daha bir nəfər müxtəlif dərəcəli bədən xəsarətləri alıb. Bir nəfərə hadisə yerində ilkin yardım göstərilib, motosikletin sürücüsü isə Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.