Bakıda iyunun sonuna kimi avtobuslar bu şəxslərə pulsuz olacaq

Bakıda bəzi şəxslərə iyunun sonunadək avtobus pulsuz olacaq. Avtosfer.az xəbər verir ki, ABB-nin yeni "Tam Visa" kartı sahibləri avtobuslarda ödəniş edərkən 100% keşbek qazana biləcəklər. Bunun üçün ödənişi smartfon vasitəsilə, yəni "Apple Pay" və ya "Google Pay" tətbiqlərindən istifadə etməklə reallaşdırmaq lazımdır. Kampaniya çərçivəsində hər bir istifadəçi 10 dəfəyə qədər pulsuz gediş imkanından yararlana bilər. Səfər üçün xərclənən vəsait dərhal keşbek balansına geri yüklənir. Bu sərfəli təklif 2026-cı il iyunun 30-na qədər qüvvədə qalacaq. Belə ki, avtobusda gediş haqqını telefonla ödəyən ABB kart sahiblərinə xərclədikləri pul tam şəkildə geri qaytarılır və beləliklə, gediş pulsuz başa gəlir.