Bu ərazidə 1 000 abonentin qazı kəsiləcək

Sumqayıt şəhəri Corat qəsəbəsinin bir hissəsində qaz təchizatında müvəqqəti fasilə yaranacaq.

Avtosfer.az "Report"a istinadla xəbər verir ki, buna səbəb ərazidə 500 şkaf tipli qaz tənzimləyici məntəqənin (ŞQTM) yenisi ilə əvəz olunmasıdır.

Görüləcək işlərlə əlaqədar olaraq, təxminən 1000 abonentin qaz təchizatı bu gün saat 11:30-dan etibarən dayandırılacaq.

Qaz təchizatının təmir işləri başa çatdıqdan sonra mərhələli şəkildə bərpa olunacağı bildirilib.