Şəkinin ən böyük kəndlərindən biri qazsız qalıb

Şəkinin Kiş kəndində qaz təchizatında müvəqqəti fasilə yaranıb.

Avtosfer.az xəbər verir ki, bu barədə Zaqatala Regional Qaz İstismarı İdarəsi məlumat yayıb.

Bildirilib ki, Şəki rayonu B.Vahabzadə küçəsində yerləşən PE-160 mm-lik yeraltı qaz xəttində aşkarlanan qaz sızmasının aradan qaldırılması ilə əlaqədar mayın 15-də saat 14:50-dən etibarən Kiş kəndinin qaz təchizatında müvəqqəti məhdudiyyət yaranıb.

Qeyd olunub ki, təmir işləri başa çatdıqdan sonra qazın verilişi bərpa olunacaq.