Üç rayonun bəzi yerlərinin qaz təchizatında fasilələr olacaq - ƏRAZİLƏR - YENİLƏNİB

Sabah saat 09:20-dən Gədəbəy rayonunun Slavyanka, Maarif və Daşbulaq kəndlərinin, Tovuz rayonunun Əlibəyli kəndinin qaz təchizatında qısamüddətli fasilə yaranacaq.

Avtosfer.az xəbər verir ki, bu barədə Şəmkir Regional Qaz İstismarı İdarəsi məlumat yayıb.

Bildirilib ki, qaz təchizatının dayandırılması təmir-quraşdırma və payız-qış mövsümünə hazırlıq işləri ilə əlaqədardır.

***16:53
Sabah saat 10:00-dan etibarən Hacıqabul rayonu Atbulaq kəndinin, həmçinin Sabirabad şəhərinin bəzi küçə və prospektinin, Suqovuşan kəndinin qaz təminatında müvəqqəti fasilə yaranacaq.

Avtosfer.az xəbər verir ki, bu barədə Salyan Regional Qaz İstismar İdarəsi məlumat yayıb.

Bildirilib ki, qaz təchizatının dayandırılması görüləcək təmir işləri ilə əlaqədardır.

***

Sabah saat 10:00-dan etibarən Qəbələ rayonunun Böyük Pirəlli, Kiçik Pirəlli, Soltannuxa və Zarağan kəndləri ərazisində qaz təchizatı dayandırılacaq.

Avtosfer.az xəbər verir ki, bu barədə Zaqatala Regional Qaz İstismar İdarəsi məlumat yayıb.

Bildirilib ki, qaz təchizatının dayandırılması müxtəlif diametrli qaz xətlərinin kipliyinin yoxlanılması ilə əlaqədardır.