Yaşayış yerini dəyişən hərbi vəzifəlilər ilə bağlı VACİB XƏBƏR

Hərbi qeydiyyatın təşkili qaydaları açıqlanıb. Avtosfer.az xəbər verir ki, bu barədə Səfərbərlik və Hərbi Xidmətə Çağırış üzrə Dövlət Xidməti məlumat yayıb.

“Hərbi vəzifə və hərbi xidmət haqqında” Azərbaycan Respublikasının Qanununa uyğun olaraq, vətəndaşlar ehtiyata keçirildikdən sonra 7 gün müddətində yaşayış yeri üzrə hərbi qeydiyyata alınmaq üçün müvafiq icra hakimiyyəti orqanına gəlməlidirlər.

Bildirilib ki, hərbi vəzifəlilər və çağırışçılar yaşayış yerini 3 aydan çox müddətə dəyişdikdə əvvəlki qeydiyyatdan çıxmalı və yeni yer üzrə hərbi qeydiyyata durmalıdırlar. Yaşayış yerini dəyişərkən isə 10 gün ərzində elektron kabinet vasitəsilə və ya digər mümkün üsullarla müvafiq orqana məlumat verməlidirlər.