76 km-lik məsafəni 30 dəqiqəyə qət edən taksilər fəaliyyətə başlayır - FOTO

Yaxın vaxtlarda İngiltərədə uçan taksilər fəaliyyətə başlayacaq. Avtosfer.az xəbər verir ki, bu barədə “Bloomberg” məlumat yayıb.

Məlumata görə, “e-Taxi” ictimai hava nəqliyyatının yaradılması ilə yerli “Vertical Aerospace” şirkəti məşğul olacaq. Belə taksilər 76 kilometrlik məsafəni 30 dəqiqəyə qət edə biləcək və onun maksimal sürəti 241 km/saata çıxacaq.

“Vertical Aerospace” şirkətinin baş direktorunun sözlərinə görə, uçan taksilər ölkədə tıxac probleminin həlinə kömək olacaq.

Qeyd edilir ki, hava taksisi ekoloji təmiz olacaq, yəni layner lityum-ion batareyalarının köməkliyi ilə hərəkət edəcək.

Uçan taksinin qiymət baxımından, vertolyotla uçmaqdan daha ucuza başa gələcəyi də ehtimal olunur.

Bristol şəhərində yerləşən şirkət, modelin ilk prototipinin istehsalına gələn ilin sentiyabırında başlayacaq.

Namiq Musayev