Pambıq yığımına birgə hazırlıq başladı - FOTO

Avqusun 25-də "Azərpambiq" ASK MMC-nin Beyləqan rayon filialının traktor parkında Aqrar Xidmətlər Agentliyinin Beyləqan Texniki Nəzarətin Təşkili sektorunun əməkdaşları  MMC-nin traktorçu və mühəndis heyəti ilə pambıq yığımı mövsümü yaxınlaşdığını nəzərə alaraq görüş keçirib. Agentlikdən Avtosfer.az-a verilən məlumata görə, görüşün məqsədi pambığın qısa müddətdə itkisiz yığımının və daşınması zamanı kənd təsərrüfati texnikalarının istismar qaydalarına riayət edilməsi, dövlət qeydiyyatına alınmayan texnikaların dövlət qeydiyyatına alınması və texniki baxışdan keçməyən texnikaların istismarının qadağan olunduğu nəzərlərinə çatdırılıb. Belə ki "Azərpambıq" ASK MMC-yə məxsus olan 54 ədəd müxtəlif traktor və onun qoşqularına dövlət qeydiyyatına alınması üçün müayinə aktı tərtib edilib və bu texnikaların  yaxın günlərdə dövlət qeydiyyatına alınması təmin olunacaq.

Aqrar Xidmətlər Agentliyinin əməkdaşları texnikaların sahiblərini və sürücülərini bir daha məhsulun yığımı və daşınması zamanı texniki təhlükəsizlik qaydalarına riayət etməyə çağırır.

Bütün pambıqçılıq rayonlarında belə görüşlər mütamadi  olaraq keçiriləcək.

Emin