Avstriyada “uçan taksi” uğurla sınaqdan keçirilib

Texnologiya 7 Aprel 2019 13:20 Oxunub 2060
Avstriyada “uçan taksi” uğurla sınaqdan keçirilib
WhatsApp kanalımıza abunə ola bilərsiniz
Saatda 150 kilometrədək sürət toplaya bilən nəqliyyat vasitəsi 2 sərnişini daşımaq imkanına malikdir

Avstriyanın paytaxtı Vyanada “uçan taksi” uğurla sınaqdan keçirilib. “EHang 216” adlandırılmış innovativ nəqliyyat vasitəsi Avstriya-Çin şirkəti “FACC” və Çinin “EHang” pilotsuz təyyarələr istehsalçısı tərəfindən birgə hazırlanıb.

Avtosfer.az Azərtac-a istinadən xəbər verir ki, sınaqlar zamanı “uçan taksi” Avstriyanın “Generali Arena” stadionu üzərində havaya qalxıb, sonra yerə enib. İstehsalçıların sözlərinə görə, nəqliyyat vasitəsi bütün sınaqlardan keçib və kütləvi istehsala hazırdır.

Görünüşcə sərnişinlər üçün kabinəyə malik böyük dronu xatırladan “uçan taksi”nin çəkisi 340 kiloqramdır. Saatda 150 kilometrədək sürət toplaya bilən nəqliyyat vasitəsi 2 sərnişini daşımaq imkanına malikdir.

Gözləntilərə görə, gələcəkdə belə taksilər sərnişinləri qısa məsafələrə daşıya, həmçinin sənaye və tibbi avadanlıqları çatdıra biləcəklər.

ŞƏRH YAZ
Ad

E-mail

Şərh