Avtomatlaşdırılmış polis bölməsi fəaliyyətə başlayıb

Çində işçi heyəti olmayan polis bölməsi fəaliyyətə başlayıb. Avtosfer.az ICTnews-a istinadən xəbər verir ki, bu, Çində gecə-gündüz işləyən, sərhədin keçilməsi, yaşayış yeri üzrə qeydiyyatın əldə edilməsi və nəqliyyat vasitələrinin idarəetməsi üzrə xidmət göstərən ilk tamamilə avtomatlaşdırılmış polis bölməsidir. Polis bölməsində sifətin tanınması, süni intellekt texnologiyaları tətbiq edilib. Xidmətlərdən istifadə etmək üçün displeyə toxunuş etmək lazımdır, bundan sonra şəxsiyyət vəsiqəsi, yaşayış icazəsi, giriş-çıxış vizasında qeyd rəsmiləşdirmək, nəqliyyat vasitələrinin cərimə və müsadirəsini, ictimai asayişə nəzarəti həyata keçirmək olar.