Bakıda 100 min manatlıq traktor oğurlanıb

Qaradağ rayonu, Səngəçal qəsəbəsindən traktor oğurlanıb. Qaradağ rayon Polis İdarəsinin 11-ci polis bölməsinin əməkdaşları tarktor oğurlayan Lənkəran sakinini tutublar. Saxlanılan Seyfəli Qasımzadə polisə ifadəsində tanımadığı şəxslə əsasən xırda oğurluqlar etdiyini deyib. Amma sonuncu dəfə dostunun məsləhəti ilə Qaradağ rayonu, Səngəçal qəsəbəsində yerləşən tikinti şirkətlərindən birinə məxsus 100 min manatlıq yükləyici avtomobili oğurlayıb. Bundan sonra traktoru öz rayonlarına aparmaq qərarına gəlib. Salyan rayonunda Dövlət Yol Polis Postunu yüksək sürətlə keçməsi polis əməkdaşlarında şübhə yaradıb. Vəziyyətin mürəkkəbləşdiyini görən təqsirləndirilən şəxs istiqamətini dəyişməli olub. İstintaq yolu ilə müəyyən edilib ki, oğurlanan yükləyici avtomobili qəza törədiyindən şirkətə təxminmən 3-4 min manat ziyan dəyib.

Faktla bağlı araşdırmalar davam edir. Seyfəli Qasımzadənin iş ortağı olan şəxsin axtarışları aparılır.