Bir saniyədə qatlanıb açılan elektrik velosipedi hazırlandı - VİDEO

“Kickstarter” könüllü maliyyələşdirmə saytında yeni kəşf - ən son texnologiya ilə hazırlanmış elektrik velosipedi üçün ianə toplanmağa başlayıb. İKT.lent.az-ın xəbərinə görə, “GiFlyBike” adlı velosiped 1 saniyədə qatlanır və açılır. Velosiped elektrik enerjisi ilə çalışan motora sahibdir. Bir dəfə doldurulmaqla 65 km məsafə qət edə bilir və saatda 25 km sürətlə hərəkət edir. Cəmi 15 kq ağırlığa malik olması onun daşınmasını asanlaşdırır. Velosipedin enerjisi ilə smartfonları şarj etmək mümkündür. Artıq lazımi miqdarda, hətta tələb olunandan artıq maliyyə toplanıb. Velosipedi sifariş vermək istəyən 2290 dollar ödəməlidir.