Bir smartfon cəmi 27 saniyə ərzində istehsal ediləcək

Hələ 2015-ci ildə bir Huawei smartfonunun istehsalı təxminən 10 dəqiqə çəkirdi. 

Çində keçirilən "Changsha Cyber ​​Security & Intelligent Manufacturing" konfransında Huawei-in vitse-prezidenti və "Huawei China Cloud və Computing" şirkətinin prezidenti Shi Yaohong şirkətin smartfon istehsal sürəti barədə məlumat verib. Onun sözlərinə görə, son illər ərzində Huawei smartfonlar üçün istehsal müddətini əhəmiyyətli dərəcədə azaldıb. Hələ 2015-ci ildə bir Huawei smartfonunun istehsalı təxminən 10 dəqiqə çəkirdi. 2020-ci ildə Huawei istehsal xətlərində yeni bir smartfonun istehsalı orta hesabla cəmi 27 saniyə çəkəcək. 

TED.az xəbər verir ki, "Huawei Cloud Business" prezidenti Zheng Yelai isə bildirib ki, Huawei Mate smartfonlar seriyası inkişaf etmiş xərc idarəetmə sisteminə uyğun olaraq istehsal edilir.

"Əgər 2015-ci ildə hər istehsal xətti üçün 97 nəfər tələb olunurdusa, "Huawei Mate 40" modelini istehsal etmək üçün yalnız 14 nəfər lazımdır", - deyə o qeyd edib.