Bu məşhurların şəxsi təyyarələri var - SİYAHI - FOTO

Tanınmış insanlar arasında elələri var ki, onların nəinki bahalı və lüks avtomobilləri, hətta şəxsi təyyarələri də var. Hollivudun bir çox simasının demək olar ki, şəxsi təyyarəsi mövcuddur. Onlar arasında əsasən müğənnilər və aktyorlar yer alır. Avtosfer.az “Baku.ws”ə istinadən şəxsi təyyarəsi olan dünya məşhurlarının siyahısını təqdim edir:

Müğənni Teylor Svift 

Sənətçinin "Dassault Falcon 7X" şəxsi təyyarəsi var. O 2024-cü ildə bu təyyarəsinə görə tənqidlərə məruz qalmışdı.

Müğənnilər Cey-Zi və Beyons

Cütlüyün "Bombardier Challenger 850" adlı şəxsi təyyarələri var. Bu təyyarəni Beyons Cey-Zi-yə hədiyyə etmişdi.

Reper Dreyk

Onun "Boeing 767 ("Air Drake")" adlı şəxsi təyyarəsi var.  Böyük və xüsusi dizaynlıdır, çox sayda insan daşıya bilər.

Aktyor Tom Kruz

Onun "Gulfstream IV və II" şəxsi təyyarəsi var. Pilot lisenziyası da var və özü təyyarəni idarə edə bilir. 

Aktyor Con Travolta 

Travoltanın "Boeing 707", "Gulfstream" kimi şəxsi təyyarələri var. Akyor özü peşəkar pilotdur. Evində şəxsi uçuş zolağı var.

Aktrisa Ancelina Coli 

Colinin "Cirrus SR22" adlı şəxsi təyyarəsi var. Onun pilot lisenziyası da var.