Çip sənayesində ən böyük sövdələşmə baş tuta bilər

ABŞ-ın çip istehsalçısı "Advanced Micro Devices" (AMD) yerli rəqibi “Xillinx”i almaq üçün danışıqlar aparır.

“Report” bu barədə xarici mətbuata istinadən xəbər verir.

Tərəflər razılığa gəlsələr, çip sənayesində dəyəri təxminən 30 milyard ABŞ dolları olan ən böyük sövdələşmə baş tuta bilər. 

Xatırladaq ki, koronavirus (COVID-19) pandemiyası dövründə kompüter və digər elektron cihazlara tələbatın artması AMD-nin bazar dəyərinin 89% artaraq 100 milyard ABŞ dollarını keçməsi ilə nəticələnib. Bu ilin II rübündə şirkətin gəlirlərii illik müqayisədə 16% artaraq 1,9 milyard dollar ABŞ dolları, xalis mənfəəti isə 4 dəfədən çox artaraq 157 milyon ABŞ dolları təşkil edib.

“Xillinx”in bazar dəyəri isə bu il 9% artıb və hazırda 26 milyard ABŞ dolları ətrafındadır.