“Crew Dragon” kosmik gəmisi Yerə endi - VİDEO

ABŞ-ın yeni idarə olunan “Crew Dragon” kosmik gəmisi Atlantik okeanının Florida ştatına düşən sahillərində eniş edib.

Kosmik gəmi yerli vaxtla saat 14: 48-də (Bakı vaxtı ilə 22:48) suya toxunub.

Öncə kosmik gəminin əyləc paraşütləri, bir neçə dəqiqədən sonra isə təxminən 2 kilometr yüksəklikdə əsas dörd paraşütləri açılıb. Bu, Amerikanın 1975-ci ildən bəri ilk dəfə idarə olunan kosmik gəmisinin suya enməsidir.

Qeyd edək ki, “Crew Dragon” kosmik gəmisi 2011-ci ildən ABŞ ərazisindən havaya qalxan Amerikanın ilk idarə olunan kosmik gəmisidir.

Kosmik gəminin göyərtəsində NASA-nın iki astronavtı - Daqlas Harli və Robert Benken olub. (“Report”)