İlk sualtı yüksək sürətli qatar layihəsi – VİDEO

Çin ilk sualtı yüksək sürətli qatar layihəsini həyata keçirməyə hazırlaşır. Avtosfer.az xarici mətbuata istinadən xəbər verir ki, Çin, Zhejiang əyalətinin şimal-şərqindəki Ningbo liman şəhərini, Çoushan şəhərinin şərq sahillərinə birləşdirmək üçün ilk sualtı yüksək sürətli qatar layihəsini təsdiqləyib. Yong-Zhou Dəmir Yolu Layihəsinin bir hissəsi olacaq sualtı tunel, turizimin inkişafını və eyni zamanda adalarla şəhər arasındakı sosial-iqtisadi  əlaqələri intensivləşdirəcək. 77 kilometr uzunluqda olan dəmir yol layihəsinin 16.2 kilometri sualtı hissədən ibarət olacaq. Çindəki mövcud yüksək sürətli qatar şəbəkəsinə qoşulan yeni marşrut, Zhejiang əyalətinin paytaxtı olan Hangzhou və Zhoushan arasında məsafəni 80 dəqiqəyə endirəcək. Hazırda eyni marşrutu avtobusla 4,5, şəxsi avtomobillə 2,5 saata getmək olur. 

Namiq