"Lamborghini"dən bahalı telefon - FOTO

Məşhur avtomobil şirkəti "Lamborghini" bu dəfə telefon istehsal edib. Anspress-in məlumatına görə, müasir və lüks telefon hazırlayan şirkət cihaza "88 Tauri" adını verib. "Lamborghini"n varlı müştəriləri üçün hazırladığı mobil telefon tamamilə dəri və poladdan ibarətdir. Texniki xüsusiyyətlərinə görə, digər telefonlardan heç də geri qalmayan "88 Tauri"nin qiyməti isə xeyli bahadır. 5 düymlük ekrana sahib olan "88 Tauri" dörd nüvəlidir. Cihazdan yalnız 1,947 ədəd istehsal olunacaq və 6 min dollardan satışa çıxarılacaq. Həddən artıq baha olmasına baxmayaraq bu mobil telefona maraq heç də az deyil.