Ölkələrin döyüş təyyarələri: Bakı və İrəvan neçəncidir?

Qlobal Atəş Gücü şirkəti dünya ölkələrinin malik olduğu döyüş təyyarələrinin sayını açıqlayıb. Avtosfer.az axar.az-a istinadən xəbər verir ki, siyahıda ölkəmiz 62-ci yeri (135 təyyarə) tutub.

İlk üçlüyə ABŞ (13362), Rusiya (3914) və Çin (3035) daxil olub. Pakistan 1281 təyyarə ilə 7-ci, Türkiyə isə 1056 təyyarə ilə ilk onluğun sonuncu pilləsində qərarlaşıb. Ordusunun ixtiyarında 505 döyüş təyyarəsi olan cənub qonşumuz İran siyahıda 24-cü yerə çıxıb.

Postsovet ölkələri isə siyahıda belə qərarlaşıb: Ukrayna 42-ci (240), Qazaxıstan 44-cü (214), Belarus 48-ci (202), Özbəkistan 51-ci (179), Türkmənistan 84-cü (72), Gürcüstan 88-ci (57), Tacikistan isə 110-cu (25).

Siyahıda Ermənistan 64 təyyarə ilə 85-ci yerdə qərarlaşıb.