Rusiya Xəzər dənizi üçün yeni hərbi ekranoplan hazırlayır

Rusiyada yeni hərbi ekranoplan üzərində iş aparılır. Avtosfer.az oxu.az-a istinadən xəbər verir ki, bunu “RİA Novosti” agentliyinə Rusiya sənaye və ticarət naziri Denis Manturov bildirib.  O qeyd edib ki, sözügedən ekranoplanın fərqli xüsusiyyətlərindən biri onun raket silahı ilə təchizatı olacaq.    Nazir əlavə edib ki, yeni ekranoplan radarlar üçün görünməz olacaq.  Sözügedən ekranoplandan Şimal dənizində, habelə Qara və Xəzər dənizlərində istifadə olunacağı planlaşdırılır.  Ekranoplan yüksək sürətlə hərəkət edən amfibiya nəqliyyat vasitəsidir. Onun üzərində işlərin 2027-ci ildə yekunlaşacağı gözlənilir.