Silahlı şəxsləri müəyyən edən sistem hazırlandı - MƏKTƏBLƏR ÜÇÜN

İnsanların çoxluq təşkil etdiyi ərazilərdə silahlı şəxslərin terror aktı törətməsinin qarşısını almaq məqsədilə ABŞ-ın “Athena Security” startapı maraqlı şəbəkə hazırlayıb. Avtosfer.az publika.az-a istinadən xəbər veri ki, sözügedən şəbəkə insanların sıx olduğu məkanlarda üzərində silah olan şəxsi aşkarlamaq üçün proqramlaşdırılacaq. Bu neyron şəbəkə sistemi ilk dəfə olaraq ABŞ-da orta məktəblərində tətbiq ediləcək. Xüsusi alqoritmlər vasitəsilə yığılan şəbəkə insan axınında üzərində silah olan şəxsi müəyyən edəcək. Bunun üçün sistem müşahidə kameralarını işə salır və insanların xarici görünüşünü anliz edir. Cəmi bir neçə dəqiqə ərzində neyroşəbəkə şübhəli şəxsi aşkarlayaraq bu barədə polisə məlumat ötürəcək. Sistemin ilk sınaq mərhələsi Pensilvaniya ştatında yerləşən Vud orta məktəbində baş tutub. “Athena Security” nümayəndələrinin sözlərinə görə, bu şəbəkə polis əməkdaşlarının girişlərdə metal detoktorlarının quraşdırılması ilə aparılan axtarışlardan çox daha məqsədəuyğun nəzarət sistemi olacaq. Xatırladaq ki, təhsil müəssisələrində atışma hallarının baş verməsi ABŞ-da aktual problemdir. Statistikaya görə, 2017-ci ildə ölkə məktəblərində 346 atışma hadisəsi qeydə alınıb.