Sürücüsüz ikinci metro vaqonu sınaqdan keçirilib

İstanbulun ikinci, Türkiyənin Avropa hissəsinin isə birinci sürücüsüz metro vaqonu sınaqdan keçirilib. Avtosfer.az Azərtac-a istinadən xəbər verir ki, bu vaqon Mahmutbəy-Məcidiyəköy xətti ilə hərəkət edəcək. İstanbul Böyükşəhər Bələdiyyəsinin sədri Mevlut Uysal mərasimdən əvvəl təşkil olunan mətbuat konfransında deyib ki, İstanbulun 8 rayonunu birləşdirən bu xətt üzərində 15 stansiya var. İlin sonunadək tam istifadəyə veriləcək metro xətti vasitəsilə gündəlik bir milyon sərnişin daşınacaq.