Tarixin ən sürətli təyyarəsinin istehsalı başlayır - FOTO

“Boom Supersonic” şirkətinin “Mach-2.2” sərnişin təyyarəsi olan “Overture” modelinin layihəsi və istehsalı prosesini sürətləndirmək üçün “Dassault Systemes” artıq “SDEXPERİENCE” platformasını istifadə etdiyini açıqlayıb. Avtosfer.az Ölkə.az-a istinadən xəbər verir ki, məsələ ilə bağlı “Boom Supersonic” şirkətinin rəhbərlərindən biri Coşua Krall açıqlama verib. O, bildirib ki, sözügedən layihə qitələrarası sərnişin daşımasında inqilaba səbəb olacaq. Hazırda şirkət tərəfindən “XB-1” ikinəfərlik təyyarə istehsal edilir. Şirkətin əsas layihəsi olan “Overture” istifadəyə yararlı halda olanda, tarixin ən sürətli sərnişin təyyarəsi olacaq. “Mach” 2.2 sürətində Nyu-Yorkdan Londona 3 saatda çatmaq mümkün olacaq. Bu gün isə bu məsafə 9 saata qət edilir. Tokiodan San-Fransiskoya isə uçuş müddəti cəmi 5.5 saat olacaq.