Təşvişə düşən Ermənistan sakinlərinə dron və pilotsuz uçuş aparatlarından istifadə etməyi qadağan etdi

Ermənistan milli təhlükəsizlik xidməti müharibə vəziyyəti ilə əlaqədar vətəndaşlarına dron və pilotsuz uçuş aparatlarından istifadə etməyi qadağan edib. Avtosfer.az xəbər verir ki, sözü gedən məlumat xidmətin rəsmi saytında dərc edilib.

“İndiki vaxtda, əhalidə həyəcanlı təəssürat yaratmamaq məqsədi ilə tipindən və ölçüsündən asılı olmayaraq pilotsuz uçuş aparatlarının havada istifadəsi tamamilə ləğv edilməlidir” – deyə xidmətdən xəbərdarlıq edilib.

Həmçinin, MTX-i ermənilərdən havada ölçüsündən asılı olmayaraq uçan dron və pilotsuz uçuş aparatı gördükdə dərhal polisə məlumat vermələrini bildirib.

Namiq Musayev