"Formula 1"in 10 ili: Minlərlə turist, böyük iqtisadi təsir

10-cu Qran-pri, minlərlə xarici qonaq və Bakıya yönələn milyonlarla baxış. Formula 1-in paytaxtda keçirdiyi 10 il yalnız trasdakı mübarizə ilə yadda qalmayıb.

Avtosfer.az xəbər verir ki, bu müddətdə Qran-pri turizmə, yerli biznesə və məşğulluğa təsir edən, eyni zamanda Bakını hər il beynəlxalq auditoriyanın diqqətinə çıxaran hadisələrdən birinə çevrilib.

2025-ci ildə yarışı izləmək üçün Azərbaycana 14 mindən çox xarici qonaq gəlib, biletlər 115 ölkədə satılıb, yarış həftəsonunda isə 90 mindən çox ziyarət qeydə alınıb.