Hansı sürücü manevr qaydasını pozur? - DOĞRU CAVAB

Avtosfer.az saytı ötən həftənin sualının doğru cavabını və qalib olmuş oxucunun adını təqdim edir. Sual belədir:

İkitərəfli yola dönən hansı sürücü manevr qaydasını pozur:

1) Minik avomobilinin sürücüsü

2) Yük avtomobilinin sürücüsü

3) Hər ikisi qaydanı pozur

4) Heç biri qaydanı pozmur

Doğru cavab: 1) Minik avtomobilinin sürücüsü  

İzahı: “Yol Hərəkəti Haqqında” Qanunun 49-cu maddəsində qeyd olunub ki, üç hərəkət zolağı olan ikitərəfli hərəkət yollarında nəqliyyat vasitələri yolun hərəkət hissəsinin mərkəzində yerləşən və hər iki istiqamət üçün sol kənar hesab olunan orta zolağa keçməməlidirlər. Orta zolağa keçməyə yalnız ötmə, yandan keçmə və sola, yaxud geriyə dönmə üçün icazə verilir.

Sualın ilk düzgün və izahlı cavabını verən Gülbaba Hüseynov adlı oxucumuz 5 manatlıq danışıq kartını qazandı. Oxucumuzu Avtosfer.az saytı adından təbrik edirik!