Maks Ferstappen Bakıdakı qələbəsi ilə bağlı fikirlərini bölüşdü

Bakıda keçirilən "Formula 1" üzrə Azərbaycan Qran-prisinin qalibi olan "Red Bull" pilotu Maks Ferstappen yarışla bağlı fikirlərini bölüşüb.

Avtosfer.az report-a istinadən xəbər verir ki, niderlandlı sürücü mübarizə aparmağın asan olmadığını bildirib.

O, son mərhələlərin komandası üçün möhtəşəm alındığını vurğulayıb:

"Bu, 2023-cü ildəki yarışa bənzəyirdi. Amma bu həftəsonu bizim üçün inanılmaz oldu. Qalib gəlmək sadəcə möhtəşəmdir. Bolidim bu gün çox yaxşı idi".

Qeyd edək ki, Ferstappen 2022-ci ildə də Azərbaycan Qran-prisində treki birinci pillədə başa vurub.