Sürücü hansı trayektoriya ilə sağa dönə bilər?- DOĞRU CAVAB

Avtosfer.az saytı ötən həftənin sualının doğru cavabını və qalib olmuş oxucunun adını təqdim edir. Sual belədir:
Sürücü hansı trayektoriya ilə sağa dönə bilər?

1) A trayektoriyası ilə

2) B trayektoriyası ilə

3) Hər ikisi ilə

4) Heç biri ilə

Doğru cavab: 2) B trayektoriyası ilə

İzahı: “Yol Hərəkəti Haqqında Qanun”un 48-ci maddəsinin IV hissəsində qeyd olunub ki,  

5.9, 5.10.1—5.10.3 nişanları ilə işarə edilmiş, ümumi istifadədə olan nəqliyyat vasitələri üçün nəzərdə tutulmuş zolağı olan yollarda hərəkət edən digər nəqliyyat vasitələrinin həmin zolaqda hərəkəti və dayanması qadağandır. Əgər bu zaman həmin zolaq qırıq-qırıq nişanlama xətti ilə qalan hərəkət hissəsindən ayrılmışdırsa, nəqliyyat vasitələri dönərkən bu zolağa keçə bələrlər. 

Təqdim etdiyimiz fotoda avtobus zolağı qırıq-qırıq xətlə ayrıldığı üçün, sürücü sağa dönərkən mütləq həmin zolağa yerdəyişmə edərək sağa dönməlidir.

Sualın ilk düzgün və izahlı cavabını verən Gülbala Hüseynov adlı oxucumuz 5 manatlıq danışıq kartını qazandı. Oxucumuzu Avtosfer.az saytı adından təbrik edirik!