Mərkəzi küçədə asfalta çəkilən İŞIQQAYTARICI LENTLƏR NƏ ÜÇÜNDÜR? – AÇIQLAMA - FOTO

Bakının mərkəzi küçəsində yerə işıqqaytarıcı lentlər çəkilib.

Avtosfer.az xəbər verir ki, söhbət Mirzəağa Əliyev küçəsindən gedir. Küçədə velosiped zolaqlarının bitdiyi hissələrdə işıqqaytarıcı effektli lentlərlə xətlənmə aparılmasının səbəbini öyrəndik.

Azərbaycan Yerüstü Nəqliyyat Agentliyindən (AYNA) Oxu.az-a bildirilib ki, həmin lentlər müvəqqəti xarakter daşıyır.

"M.Əliyev küçəsindəki sözügedən ərazidə parklanmaya giriş-çıxış mövcuddur. Həmin yerdə velosiped istifadəçilərinin təhlükəsizliyini təmin etmək məqsədilə yaşıl boya ilə keçid təşkil edilməsi nəzərdə tutulub. Yerdəki yapışqanlı lent isə xətləmənin ölçülərini dəqiqləşdirmək üçün müvəqqəti olaraq çəkilib. Rənglənmə aparıldıqdan sonra lentlər söküləcək",- deyə açıqlamada bildirilib.