Sulutəpədə həyətləri su basdı, küçələr keçilməz oldu - VİDEO

Bu gün səhərdən yağan yağış Sulutəpə qəsəbəsində problem yaradıb.

Avtosfer.az xəbər verir ki, bununla bağlı Oxu.az-a sakinlər şikayət ünvanlayıblar.

Qeyd olunub ki, yağış küçələri keçilməz hala salıb.

"Yağış suyu az imiş kimi, qəsəbədə yerləşən 10 nömrəli məktəbin qarşısındakı kanalizasiya borusu da partlayıb. Valideynlər uşaqları məktəbdən götürə bilmirlər. Bundan əlavə, ətrafdakı həyətləri də su basıb. Çıxılmaz vəziyyətdəyik", - deyə şikayətdə qeyd olunur.

Sakinlər çirkab suların həyətlərə, evlərə dolmaması üçün xalça-palazları darvazalarının altına düzüblər.

Qeyd edək ki, məsələ ilə bağlı aidiyyəti quruma sorğu ünvanlanıb.