947 manata “QAZ-31” satır

Əmlak Məsələləri Dövlət Komitəsi  hərraca çıxarılacaq nəqliyyat vasitələrinin siyahısını açıqlayıb. Avtosfer.az xəbər verir ki, bu barədə oxu.az-a komitədən məlumat verilib.

Belə ki, hərracda Nissan Maxima, Şkoda Oktavia, QAZ-31105-120, Mercedes Benz S 350, QAZ-3110-101, Mercedes Benz E 320, QAZ-3110-121, QAZ-3110-121, QAZ-31105-120, QAZ-31105-120, QAZ-3110-101, QAZ-3102, QAZ-3102 avtomobilləri yer alacaq.

Qeyd edək ki, hərracda ən ucuz avtomobil  QAZ-3102-dir. Start qiyməti 947 manat. Ən bahalı avtomobil isə Mercedes Benz S 350-dir, start hərrac qiyməti isə 20 650 manat təşkil edir.

Qeyd edək ki,  hərrac martın 3-də həyata keçiriləcək.

Məlumat üçün bildirək ki, hərraclar Azərbaycan Respublikası Əmlak Məsələləri  Dövlət Komitəsi yanında  Hərracların Təşkili üzrə Auksion Mərkəzində keçiriləcəkdir (Zeynal Xəlil küçəsi 11a). Hərracda iştirak etmək üçün hərrac komissiyasına aşağıdakı sənədlər hərracın başlanılmasına ən gec 3 (üç) bank günü qalanadək təqdim olunmalıdır:

1. Sifarişçinin şəxsiyyətini təsdiq edən sənəd;

2. Əmlak Məsələləri  Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. 10% məbləğində beh MərkəziBankda – AZ65NABZ01361150000000004944 nömrəli hesaba köçürülməlidir.