Polislər yeni “super-car”lar alıb - VİDEO

Birləşmiş Ərəb Əmirliklərinin (BƏƏ) hüquq mühafizə orqanları əməkdaşları növbəti “super-car”ları əldə ediblər. Avtosfer.az oxu.az-a istinadən xəbər verir ki, bununla əlaqədar Dubai Police-nin rəsmi mətbuat mərkəzi, məşhur avtoparka həsr edilmiş videoçarx dərc edib. Ölkə hakimiyyəti əmindir ki, polis əməkdaşlarının bahalı maşınları əhali tərəfindən fərqli yanaşmaya səbəb olub. Bahalı “super-car”ların alınması polislərin NFS üslubunda cinayətkarları qovmaq istəyindən daha çox, marketinq üsuludur. Polislər isə hesab edirlər ki, “super-car”lar onlara yüksək sürət rejimini pozanları qorxutmağa yardım edəcək, belə ki, onların çoxu polis maşınlarının onlara çata bilməyəcəyini düşünürdülər. “Bahalı avtomobillər polisin adi vətəndaşlar arasında populyarlığını artırmaq məqsədi daşıyır”.

Dubay polisinin avtoparkında ən məşhur maşınlar “Bugatti Veyron”, “McLaren MP4-12C”, “Aston Martin One-77”, “Lamborghini Aventador”, “Audi R8”, “Ferrari FF”, “Mercedes SLS”, “Bentley Continental”, “Nissan GT-R”, “Ford Mustang”, “BMW M6 Gran Coupe”, “Brabus B63S”, “Chevrolet Camaro”, “Mercedes SL 63 AMG” və s.-dir. Qeyd edək ki, bu günlərdə Azərbaycan yol polisinin sərəncamına yeni BMW avtomobilləri verilib.