Sürücülər, bunu mütləq oxuyun! - VİDEO

Adətən həkimlər bəzi xəstəliklərdən əziyyət çəkən şəxslərə avtomobil idarəetməyi məsləhət görmür, yaxud da ən azı uzaq yola çıxmamağı tövsiyə etmirlər. Çox vaxt həmin şəxslər bu tövsiyələrə laqeyd qalırlar. Qonşu Rusiyada bu məsələyə münasibət ciddiləşib. Belə ki, müvafiq qurumlar  problem həll etmək üçün yeni qaydalar müəyyənləşdiriblər. Qaydalarda bəzi xəstəliklərə tutulanlara avtomobil idarə etmək ümumiyyətlə qadağan olunub. Bu xəstəliklərdən biri paranoyadır. Mütəxəssislər bildirirlər ki, bunu belə açıqlayıblar ki, beyinin zədələnməsi nəticəsində ortaya çıxan bu xəstəlik hallüsinasiyalarla müşahidə olunur. Yəni belə bir xəstəliyi olan sürücü avtomobili idarə edərkən  gözünə  əlavə obyektlər görünə bilər. Bu da qəza şəraitini qaçılmaz edir. Avtosfer.az atvxəbər-ə istinadən bildirir ki, qaydalarda şizofreniya xəstəliyi əksini tapır. Bundan başqa xroniki yorğunluğu olan şəxslərə də sükan arxasında əyləşmək yasaq edilib. Bu yasaq həmin şəxslərin sükan arxasında qəfildən yuxulaya bilməsi təhlükəsindən irəli gəlir. Psixi müalicə keçməkdə olan şəxslərə isə avtomobilin idarəsi qısa müddətə də olsa qadağan ediləcək. Mütxəssislər bildirirlər ki, bu müalicə zamanı qəbul olunan dərmanlar sinirləri sakitləşdirdiyindən qəfil yuxu da gətirə bilir. Qadağa Epilepsiya xəstələrinə də şamil olunacaq. Bu xəstəlik qəfil tutma ilə müşayət olunduğundan sürücünün həm özü, həm də ətrafdakılar üçün təhlükəli olduğu irəli sürülür. Yeni qaydalarda sürücülərin psixoloji keyfiyyətləri də nəzərə alnıb. Bu məqamları öyrənmək üçünsə sürücülərlə müsahibə aparılacaq. Və ətrafdakıların hsisslərinə və həyatına hörmətlə yanaşmayan, eləcə də həddindən artıq emosional şəxslərə sürücülük vəsiqəsi verilməsi bir qədər çətinləşəcək.  Yeni qaydalarda boyu 150 santimetrdən aşağı olanlara isə yük avtomobili idarə etmək qadağan olunub.