Təyyarələrimiz Türkiyədə  - FOTO

"Azərbaycan Hava Yolları" QSC (AZAL) son günlər Türkiyəyə səfərlərini yeni təyyarələri ilə həyata keçirir. Avtosfer.az anspress-ə istinədən  məlumat verir ki, AZAL bu gün "Boeing 787" təyyarəsi ilə "Ankara Esenboğa Havalımanı"na uçuş həyata keçirib. AZAL-ın yeni bir qərarına əsasən, 12 fevraldan etibarən "Bakı-İstanbul" gündüz reysi də "Boeing 787" təyyarəsi ilə mümkün olacaq. Pilotların təlim uçuşlarını tamamlamaq üzrə olan AZAL-ın bir neçə gün öncə yeni aldığı təyyarə "İstanbul Sabiha Gökçen Havalımanı"na gəlmişdi. Qeyd edək ki, Beynəlxalq qaydalar əsasən, bir hava yolu şirkəti yeni bir təyyarə tipini alırsa, müəyyən bir dövr pilotlar təlim keçirlər və uçuşları köməkçi pilotlarla birgə həyata keçirirlər. Bu mərhələnin tamamlanmasından sonra normal səfərlərə başlanılır.