Velosipedçilər üçün də airbaq hazırlandı - VİDEO

Dünyada velosipedə keçid sürətlə davam edir. Əksər ölkələrdə avtomobili olanlar da çox vaxt velosipeddən istifadə edir. Bu, həm ailə büdcəsinə xeyirdir, həm də ekologiyanı qoruyurlar. Odur ki, texnologiya üzrə alimlər velosiped sürənlər üçün yeniliyə imza atıblar. Avtosfer,az-ın verdiyi məlumata görə, velosipedçinin başını zərbədən qorumaq üçün unikal vasitə icad edilib. Bu vasitə geyim formasındadır. Daha dəqiq desək, velosipedçi həmin vasitəni gödəkçə kimi əyninə geyinir. Velosiped qəzaya uğradıqda, zərbəyə tuş gəldikdə həmin xüsusi geyimin boğazındakı hava yastığı açılır. Bu zaman velisiped sürənən başı və boynu həmin yastıqla tam əhatə olunur. Beləliklə, velosipedçini maşın vurduqda və ya digər zərbəyə tuş gəldikdə, həmin hava yastığı onun başını qoruyur. Bu vasitə daha çox velosipedçinin boynunun qırılmasının qarşısını alır.

Fidan