Bakıda YPX əməkdaşı ilə münaqişə etmiş həkimdən açıqlama - VİDEO

Bakıda Silahlı Qüvvələrin Baş Klinik Hospitalının həkimi, ehtiyatda olan tibb xidməti polkovnik-leytenantı Əliyev Mahir Mehdi oğlu ilə Yol Patrul Xidmətinin əməkdaşı arasında münaqişə baş vermişdi. Avtosfer.az xəbər verir ki, Mahir Əliyev yenidən paylaşım edərək bildirib ki, DİN-in səlahiyyətli şəxsləri tərəfindən ona zəng olunaraq məsələnin ətraflı araşdırılması üçün polis idarəsinə dəvət olunub. Etdiyi şikayətlə bağlı polis idarəsində yazılı izahatını verdikdən sonra araşdırma aparılacağı bildirilib.

Həkim həmçinin qeyd edib ki, onun müraciəti yanlış yerlərə çəkilib: “Mənim şikayətim konkret şəxsə aid idi. Yenə xüsusi vurğulamaq istəyirəm ki, bunun bütün polislərə aidiyyəti yoxdur. Azərbaycan polisi Azərbaycan xalqının təhlükəsizliyini qoruyur”.

Sözügedən videonu təqdim edirik: