DYP Bakıda xanımları belə təbrik etdi - VİDEO

Bakı şəhər Dövlət Yol Polisi İdarəsi tərəfindən paytaxt ərazisində 8 Mart Beynəlxalq Qadınlar Günü münasibətilə bayram reydi keçirilib.

Hər il olduğu kimi bu il də BDYP əməkdaşları ənənəyə sadiq qalaraq xanım sürücüləri, həmçinin ictimai nəqliyyat vasitəsindən istifadə edən xanım sərnişinləri 8 mart beynəlxalq qadınlar günü münasibətilə təbrik edərək, onlara gül buketləri və müxtəlif hədiyyələr təqdim ediblər.

Eyni zamanda küçələrdə təmizlik işi aparan zəhmətkeş xanımları da unutmayan polis əməkdaşlarımız onlara səmimi münasibət göstərərək hədiyyələr veriblər. Xanımlar da onlara göstərilən diqqətə görə yol polislərinə təşəkkürlərini ifadə ediblər. 

Sonda idarənin əməkdaşı, baş inspektor Araz Əsgərli Avtosfer.az vasitəsilə xanımların bayramını təbrik edib və onları qaydalara əməl edən sürücü olmağa səsləyib.

Nərmin Əkbər

Nurlan Sakitoğlu