DYP Yevlaxda maarifləndirici tədbir keçirdi - VİDEO

Baş Dövlət Yol Polisi İdarəsinin Yol Patrul Xidməti Alayının 8-ci tağımının əməkdaşları Yevlax rayonunun Aran qəsəbəsində maarifləndirmə tədbirləri həyata keçirib. Avtosfer.az xəbər verir ki, 1 nömrəli tam orta məktəbdə baş tutan tədbirdə çıxış edən tağımın əməkdaşı, polis kapitanı Bakir Əhmədov məktəbliləri yol hərəkəti qaydaları haqqında maarifləndirib. Bildirib ki, yollarda hərəkət edən zaman təhlükəsizlik qaydalarına riayət olunmalı, yolu keçən zaman piyada keçidindən istifadə edilməlidir. Həmçinin gecə vaxtı işıq qaytaran cihazlardan istifadə olunmalıdır. Sakinlərin şikayət və təkliflərini dinləyən YPX əməkdaşları qısa zamanda bütün təklifləri nəzərə alacaqlarını bildiriblər. Bu cür tədbirlərin davam edəcəyi vurğulanıb.

Orxan