DYP: Yol nişanları yeniləri ilə əvəzlənir - FOTO

Daxili İşlər Nazirliyi Baş Dövlət Yol Polisi (DYP) İdarəsinin “Siqnal” İxtisaslaşdırılmış Layihə-İstehsalat İdarəsi (İLİİ) respublikanın şəhər və rayonlarında nöqsan və çatışmazlıqların aradan qaldırılması istiqamətində fəaliyyətini davam etdirir.

İdarədən Avtosfer.az-a bildirilib ki, dislokasiya ilə təhkim olunmuş avtomobil yollarında aparılan müayinələr, eləcə də DYP qurumlarından, media və ictimaiyyət nümayəndələrindən daxil olan məlumatlar əsasında hazırlanmış layihələrin icrası Baş İdarəyə bilavasitə tabe olan “Siqnal” İLİİ və onun regional istismar sahələrinin əməkdaşları tərəfindən mərhələli şəkildə həyata keçirilir.

Hazırda meteoroloji şərait nəzərə alınmaqla, respublikanın bir sıra regionlarında, o cümlədən Gəncə, Qəbələ, Salyan, Neftçala, Cəlilabad, Tovuz və Bərdədə yol nişanlarının işıqqaytarıcı elementləri olan yeniləri ilə əvəz edilməsi, silinmiş nişanlanma xətlərinin, yol-cizgi işarələrinin bərpası, eləcə də işıqfor obyektlərinə texniki qulluq həyata keçirilir.