Ən çox qəzalar iki radar arasında baş verir - DYP rəsmisi - VİDEO

Yollarda qəzanın yaranma səbəblərindən biri, hətta birincisi olan “yüksək sürət”in tənzimlənməsi faktoru bugün də aktuallığını qoruyub saxlayır. Bəzi yollarda sürətin tənzimlənməsiylə bağlı işarələr olsa belə, verilən rəqəmin üstündə sürücü performansı özünü göstərir. Tənzimlənməylə bağlı işarələrin olmadığı yollara gəlincə isə vəziyyət daha ürəkaçan deyil.
Avtosfer.az xəbər verir ki, "Qlobal" TV-də yayımlanan "Sözümüz sözdür" verilişlərdə qonaq olan BDYPİ-nın ictimaiyyətlə əlaqələr şöbəsinin baş inspektoru Toğrul Nəsirli mövzuyla bağlı çıxış edib. Onun sözlərinə görə, yollara quraşdırılan texniki vasitələr bu vəziyyəti qismən stabilləşdirsə belə, “çoxbilmiş” sürücülərin həll süzgəcindən çoxdan keçib. Buna əlavə olaraq o qeyd edib ki, sürət həddinin tənzimlənməməsi problemi ilə yaranan qəzalar daha çox iki texniki vasitənin quraşdırıldığı zonalarda qeydə alınır. Mütəxəssis həmçinin, qarşıya çıxan maneəni (insan, maşın), maşının texniki vəziyyətini, yolun meteoroloji xüsusiyyətlərini nəzərə alaraq göstərilən həddən daha az sürətlə hərəkət etməyi sürücülərə tövsiyə edib.

Nərmin Əkbər