Karantin müddətində qayda pozuntuları azalıbmı? - DYP

"Karantin müddətində polis əməkdaşlarının vizual şəkildə aşkar etdiyi yol hərəkəti pozuntuları azalıb". Avtosfer.az-ın "Report"-a istinadən xəbərinə görə, bu barədə Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev deyib.

Onun sözlərinə görə, ümumilikdə xüsusi texniki vasitələrinin köməyi ilə aşkar edilən qayda pozuntularında hələ ki, elə bir azalma müşahidə edilmir: "Bildiyiniz kimi, xüsusi texniki vasitələr 24 saat fəaliyyət göstərir. Təsəvvür edin ki, gün ərzində ölkədə təxminən 5-7 min civarında qayda pozuntusu olur".