Karantin postunda polislərə təzyiq göstərən sürücü və sərnişin həbs edildi - FOTO

Bakıda karantin postunda polisə təzyiq göstərən sürücü və sərnişin həbs edilib. Avtosfer.az xəbər verir ki, dekabrın 25-i paytaxtın Mikayıl Əliyev küçəsində hərəkət edən 99-DN-224 qeydiyyat nişanlı “Hyundai Elantra” markalı avtomobilin sürücüsü karantin postuna yaxınlaşan zaman avtomobildəki sərnişinin SMS icazəsinin olmadığına görə yolun kənarında dayanıb. Karantin postunda xidmət aparan yol polisi əməkdaşları həmin sürücüyə yaxınlaşıb icazənin olub-olmadığını yoxlayan zaman, sürücü və sərnişin bundan imtina edərək polisə təzyiq göstərməyə başlayıblar. Onlar daha sonra nalayiq ifadələr işlədərək polis əməkdaşlarını təhqir ediblər. Törətdikləri əmələ görə sürücü və sərnişin 24-cü polis bölməsinə təhvil verilib.

Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov Avtosfer.az-a açıqlamasında bildirib ki, sürücü Süleymanzadə Emin Çingiz oğlu və sərnişin Nəsirov Əkbər Qamboy oğlu barəsində toplanılmış materiallar Nizami rayon Məhkəməsinə göndərilib. Məhkəmənin qərarı ilə hər iki şəxs “İnzibati Xətalar Məcəlləsi”nin 535-ci maddəsi ilə 8 gün müddətinə inzibati qaydada həbs olunub.

Təbriz